Long Lost Ex-girlfriend of John Lloyd Cruz is a doctor

Source: PhilStar.com

Certified doktora pala ang bagong dagdag na character sa Betty La Fea na si Maricar Reyes. Pero hangga’t maaari, ayaw niya sanang pag-usapan ang kanyang propesyon lalo na nga’t nag-uumpisa pa lang ang career niya. May pilitan factor pang nangyari bago niya idinitalye ang kanyang pagiging doktora. Sa status niya ngayon, gusto niya pa ring mag-showbiz dahil feeling gusto niyang magdiskubre ng iba pang mga bagay.

Ngayon ay nagta-trabaho siya sa private clinic pero ayaw niyang idetalye kung saan.

Limited lang ang binibigay niyang details - sa UST siya nagtapos ng medisina at sa Ateneo naman siya nag-pre med.

Nag-apply siya sa Star Magic at nag-workshop. Pero hindi agad siya tinawagan kaya hindi niya ini-expect na makakasama siya sa cast ng Betty La Fea na gaganap na childhood sweetheart ni John Lloyd Cruz.

Sasabak si Maricar sa kanyang kauna-unahang role sa isang teleserye at ito rin ang kauna-unahang experience niya sa tunay na aktingan.

‘‘I am very much honored to be part of the Betty La Fea cast. Sobrang supportive ng buong cast kaya overwhelming din talaga ang feeling,’’ pahayag ni Maricar.

Pamilyar na mukha na nga si Maricar dahil una siyang na-expose sa mga tv commercials at later on ay pinasok na rin ang show business.

Pinaghalong Heart Evangelista at Mikee Cojuangco ang hitsura ni Maricar.

---